Тошкентнинг ўсиш суръатлари транспорт ва экология билан боғлиқ муаммоларни янада кучайтирмоқда. Денис Соколов «Газета.uz» билан суҳбатда давлат учун хатарларни юмшатиш, аҳоли учун уларнинг олдини олиш йўллари ҳамда тошкентликларни жамоат транспортига ўтказиш нега қийин кечиши ҳақида сўз юритди.
Шаҳар савдоси аҳоли ва унинг маданияти ҳақида ахборот беришда музейлардан кам эмас. Чакана савдо форматларининг турфалиги шаҳар ҳаёти ва иқтисодиёти қанчалик бойлигини кўрсатади. Хўш, ритейлдаги қандай бизнес-қарорлар бу форматларни ривожлантиришга ёрдам беради? Денис Соколов мақоласи — шу ҳақда.
Тошкентда иккиламчи уй-жойларнинг ўртача нархи февраль ойида 1,6 фоизга ошиб, квадратига 1140 долларни ташкил этди. Пойтахтнинг учта тумани — Миробод, Яшнобод, Яккасаройда нархлар ошди, Бектемир ва Учтепа туманларида эса пасайди, дейилади Иқтисодий тадқиқотлар ва ислоҳотлар маркази шарҳида.
Тошкентда турар жой нархи йилига 20 фоизга ошмоқда. Аксарият харидорларнинг фикрича, пойтахт кўчмас мулк бозорида пуфак ҳосил бўлган ва у ёрилиш арафасида. Ўзи пуфак қандай ҳосил бўлади? У ҳақиқатан ҳам борми? Уй сотиб олишда нималарга эътибор бериш керак? Таҳлилчи Денис Соколов мақоласи шу ҳақда.
Кўчмас мулк тарихи тўғрисидаги маълумотларни тақдим этиш давлат хизматидан эндиликда ДХМлар, ЯИДХП ёки davreestr.uz сайти орқали фойдаланиш мумкин бўлади. Хизмат нархи — БҲМнинг 0,5 баравари.
Кўчмас мулкка доир янги қонун билан ер участкаси, бино, иншоот ва қурилиш жараёнидаги объектлар, шунингдек, кўп йиллик дарахтлар ва мулкий мажмуа сифатидаги корхоналарга 13 турдаги ҳуқуқлар ёки чекловларни давлат рўйхатидан ўтказиш белгиланди. Қонун эълон қилингандан 3 ой ўтиб кучга киради.
1 майдан хорижликларга Ўзбекистонда қурилаётган кўчмас мулкка сотиб олиш тарзида инвестиция киритиш ҳуқуқи берилди, уларнинг рўйхати ҳукумат томонидан тасдиқланади. Бундан ташқари, хориж фуқароларига Ўзбекистонда яшаш гувоҳномасини олиш учун Тошкент вилояти ва Тошкент шаҳрида харид қилиш талаб этиладиган кўчмас мулк қиймати ҳам камайтирилди.
Кўчмас мулк ижара шартномаси эндиликда фақат электрон шаклда ҳисобга қўйилади. Ҳукумат тасдиқлаган маъмурий регламентга кўра, ижарага берувчи кўчмас мулк шартномасини тузилганидан 3 кундан кечиктирмай солиқ органида ҳисобга қўйиши, ижарачи эса уни беш кун ичида тасдиқлаши шарт.
Адлия вазири Русланбек Давлетов давлат хизматчиларининг хорижда мол-мулкка эга бўлиши 1 январдан тақиқланишини эслатиб, бунда ушбу давргача давлат хизматида бўлган пайтда орттирилган мулк ҳам инобатга олинишини таъкидлади. «Агар бўлса, январгача йўқотиш керак унақа мулкини. Мерос бўлиб қоладиган бўлса ҳам, у меросни сотиб ёки хадя бўладиган бўлса, уни ҳам ўзидан бегоналаштириши керак», — деди у.
Қўшимча имкониятларга эга булиш учун сайтда рўйхатдан ўтинг